Niyə Ərbəin insanı dəyişir? Xidmət, matəm və vəhdətin dərin mənası

Ərbəin çağrısı proqramının bu buraxılışında Kərbəladan canlı yayımla Nəcəf-Kərbəla yolundakı xidmət çadırlarının mahiyyəti, təmənnasız xidmət, Allahın razılığı və Xadimül-Hüseyn mədəniyyəti müzakirə olunur. Verilişdə Ərbəin xidmətinin yalnız bir neçə günlük mərasim deyil, ailə, təhsil və cəmiyyət həyatına daşına biləcək əxlaq məktəbi olduğu vurğulanır.

İlahiyyat söhbətində Əhli-beyt üçün hüzn və matəmin Qurani və rəvayət əsasları barədə danışılır; Tövbe surəsinin 50-ci ayəsi və tarixi rəvayətlər əsasında İmam Hüseyn (ə) müsibətinə qarşı mömin münasibəti izah olunur. Ardınca İmam Zaman (ə.f) ümidi, Ərbəin vəhdəti və Kərbəla ziyarətinin mənəvi yönləri diqqətə çatdırılır.

Proqramda mərsiyələr, zəvvarlara xidmət edən ailə ilə görüntülü müsahibə, Kərbəla izdihamından reportaj və zəvvarların fikirləri də yer alır. Sonda Ərbəin insanların dil, irq və ölkə fərqlərini aşaraq etimad, qardaşlıq və ortaq iman ətrafında birləşdiyi mənəvi bir məktəb kimi təqdim edilir.

Ərbəin xidmətinin mənəvi fəlsəfəsi, Kərbəla matəmi və birlik ruhu